हामी सबैकाे संसारन्यूज

११ फागुन, काठमाडौँ । संविधानविद् तथा वरिष्ठ अधिवक्ता डा. भीमार्जुन आचार्यले सर्वोच्चको आजको फैसलाले स्वेच्छाचारीता पराजीत भएको बताएका छन् ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनको प्रस्तावलाई बदर गर्दै सर्वोच्चले पुनस्र्थापना गर्ने फैसला गरेपछि प्रतिक्रियाका रुपमा सामाजिक सञ्जाल टिवट्रमा टिव्ट गर्दै उनले यस्तो बताएका हुन् ।

उनले भनेका छन् – ‘फैसलाले न्यायलय अझै स्वतन्त्रत र सक्षम भन्ने कुरा स्थापित गरेको छ। संविधानको पवित्रता जोगिएको छ । स्वेच्छाचारीता पराजीत भएको छ ।’

उनले सर्वोच्चको यो निर्णयले न्यायलय र जनताको शाख उँचो भएको समेत बताएका छन् । ‘विश्व मञ्चमा सिंगो देश, कानूनी व्यवस्था, न्यायलय र जनताको शाख उँचो भएको छ’ उनकाे भनाइ छ ।

साथै उनले अरू कार्यभार पुनस्थापित संसद र दलहरुले पूरा गर्नु पर्ने अपेक्षा व्यक्त गरेका छन् ।

फैसलाले न्यायलय अझै स्वतन्त्रत र सक्षम भन्ने कुरा स्थापित गरेको छ। संविधानको पवित्रता जोगिएको छ । स्वेच्छाचारीता पराजीत भएको छ । विश्व मञ्चमा सिंगो देश,कानूनी व्यवस्था, न्यायलय र जनताको शाख उँचो भएको छ। अरू कार्यभार पुनस्थापित संसद र दलहरुले पूरा गर्नु पर्ने अपेक्षा गरिएको छ ।

— Bhimarjun Acharya (@BhimarjunPhD) February 23, 2021