Sansar News
११ फागुन, काठमाडौं । प्रधानमन्त्री केपी शर्मा ओलीका मुख्य राजनीतिक सल्लाहकार विष्णु रिमालले सर्वोच्च अदालतको फैसला मान्ने बताए पनि जारी राजनीतिक समस्या समाधान भने नगर्ने संकेत गरेका छन् ।
ओलि समूहमा प्रभावशाली रहेका रिमालले सर्वोच्चको फैसलालाई सबैले मान्नु पर्ने बताउँदै तर उक्त फैसलाले जारी राजनीतिक समस्या भने हल नगर्ने तर्क टिव्टरमार्फत दिएका छन् ।
‘प्रतिनिधिसभा विघटनसम्बन्धी मुद्दाका सन्दर्भमा सम्मानित सर्वोच्च अदालतको फैसला सबैले मान्नुपर्छ’ रिमालले ट्विटरमा लेखेका छन्, ‘यद्यपि यस फैसलाले जारी राजनीतिक समस्या भने हल गर्दैन ।’
उनको यो भनाईले ओलि र ओलि समूहले सर्वोच्चको निर्णय स्वीकार गर्दै राजीनामा दिने अनुमान गरिएको छ ।
प्रतिनिधि सभा बिघटन सम्बन्धी मुद्दाका सन्दर्भमा सम्मानित सर्वोच्च अदालतको फैसला सबैले मान्नु पर्छ । यद्यपि यस फैसलाले जारी राजनीतिक समस्या भने हल गर्दैन ।
— Bishnu Rimal (@BishnuRimal) February 23, 2021
वि.सं.२०७७ फागुन ११ मंगलवार २२:४५ मा प्रकाशित
