हामी सबैकाे संसारन्यूज

१४ फागुुन, काठमाडौँ । भारत र इंल्याण्ड बिचको तेस्रो टेस्ट २ दिनमै समाप्त भएको छ । भारतले २ दिनमै इंल्याण्ड विरुद्ध तेस्रो टेस्टमा १० विकेट जि हासिल गरेको हो ।

टस जितेर पहिले ब्याटिङ्ग गरेको इंल्याण्ड आफ्नो पहिलो इनिङ्गसमा ११२ रनमा अलआउट भएको थियो । इंल्याण्डका लागि पहिलो इनिङ्गसमा ज्याक लिचले सर्वाधिक ५३ रन बनाएका थिए भने भारतका लागि बलिङ्गमा अक्सर पटेलले सर्वाधिक ६ विकेट हात पारेका थिए ।

इंल्याण्डको टिम अलआउट भएपछि ब्याटिङ्ग गर्न आएको भारतीय टिम पनि १४५ रन बनाएर अलआउट भएको थियो । भारतका लागि रोहित शर्माले सर्वाधिक ६६ रन बनाएका थिए भने इंल्याण्डका लागि बलिङ्गमा कप्तान जो रुटले सर्वाधिक ५ विकेट लिएका थिए ।

पहिलो इनिङ्गसमा ३३ रनले पछि परेको इंल्याण्ड आफ्नो दोस्रो इनिङ्गमा ८१ रनमा अलआउट हुन पुगेको थियो । इंल्याण्डका लागि बेन स्टोक्र्सले सर्वाधिक २९ रन बनाएका थिए । त्यसैगरी भारतका लागि बलिङ्गमा अक्सर पटेलले सर्वाधिक ५ विकेट लिएका थिए ।

दोस्रो इनिङ्गसमा ८१ रनमा अलआउट भएपछि इंल्याण्डले भारतलाई जितको लागि ४९ रनको लक्ष्य दिएको थियो । इंल्याण्डले दिएको ४९ रनको लक्ष्य भारतले ७.४ ओभरमा पुरा गर्यो । भारतका लागि राहित शर्माले २५ र शुभमन गिलले १५ रन बनाएर नटआउट रहदैँ टिमलाई जित दिलाएका थिए ।

जितसँगै भारतले ४ खेलको टेस्ट श्रृखलामा २-१ ले अग्रता लिएको छ ।