Sansar News
१६ फागुन, काठमाडौं । खाडीका बिभिन्न देशमा जान भन्दै हिँडेका २६ नेपाली महिला श्रीलंकको जेलमा रहेका छन् ।
संगठित मानव तस्करको जालोमा परेर खाडी देश जान हिँडेका २६ महिला श्रीलंकाका विभिन्न जेलमा परेपछि महिला बालबालिका तथा जेष्ठ नागपिरक मन्त्रालयले उद्धारको प्रक्रिया सुरु गरेको छ ।
मन्त्रालयका प्रवक्ता टेकराज निरौलाका अनुसार जेलमा रहेका २६ जना महिलाको जेलबाट उद्धारका लागि कोलम्बोस्थित नेपाली दूतावास लागिरहेको छ । जेलमा रहेकामाथि अध्यागमन नियम उल्लंघनलगायतका विषयमा अदालतमा मुद्दा चलिरहेको पनि आइतबारको कान्तिपुर दैनिकमा समाचार छ ।
प्रवक्ता निरौलाका अनुसार मन्त्रालय अन्तर्गतको मानव बेचविखन नियन्त्रण राष्ट्रिय समिति मातहतको पुनःस्थापना कोषले जेलमा रहेका नेपाली महिलालाई छुट्ने वित्तिकै नेपाल फिर्ता ल्याउन आवस्यक खर्च व्यहोर्ने निर्णय गरिएको छ ।
वि.सं.२०७७ फागुन १६ आइतवार ०९:३४ मा प्रकाशित
