Sansar News
१७ फागुन, काठमाडौं । बैंक अफ काठमाण्डू लिमिटेडले विशेष साधारण सभा डाकेको छ ।
बैंकको फागुन १६ गते, आइतबार बसेको सञ्चालक समितिको बैंठकले गरेको निर्णय बमोजिम उक्त सभा चैत्र ३ गते, मंगलबार नेपाल प्रज्ञा प्रतिष्ठान, कमलादी, काठमाडौंमा बिहान १० बजेदेखि सुरु हुनेछ ।
उक्त सभामा बैंकले सर्वसाधारण शेयरधनी समुहको तर्फबाट प्रतिनिधित्व गर्ने गरी ३ जना सञ्चालकहरुको निर्वाचन गर्ने प्रस्ताव पनि गरेको छ । यसका साथै बैंकको विशेष प्रस्तावहरुको संशोधनमा नियामक निकायहरूबाट कुनै थपरघट वा संशोधन तथा परिमार्जन गर्न सञ्चालक समितिलाई अख्तियारी प्रदान गर्ने एजेन्डा पनि सभाबाट पारित गर्ने तयारी गरेको छ ।
त्यसैगरी, बैंकले विशेष साधारण सभा प्रयोजनको निमित्त फागुन २३ गतेदेखि चैत्र ३ गतेसम्म शेयरधनी दर्ता पुस्तिका बन्द गर्नेछ । तसर्थ फागुन २० गते, बिहीबारसम्म नेप्सेमा कारोबार भई कायम शेयरधनीहरुले मात्र साधारण सभामा सहभागि हुन सक्नेछन् ।
वि.सं.२०७७ फागुन १७ सोमवार ११:०१ मा प्रकाशित
