Sansar News
फागुन १७, काठमाडौं । नेपाल कम्युनिष्ट पार्टी (नेकपा)को प्रचण्ड–माधव समूहको सचिवालय बैठक सिंहदरबारमा बसिरहेको छ । बैठक संसदीय दलको कार्यालयमा बिहान १० बजेदेखि सुरु भएको नेकपाले जनाइएको छ ।
सरकारले आगामी फागुन २३ गते प्रतिनिधि सभाको बैठक राख्न राष्ट्रपति समक्ष सिफारिस गरेको छ । बैठकको मिति नजिकिँदै गएको सन्दर्भमा आगामी रणनीतिबारे छलफल गर्न सचिवालय बैठक बसेको हो ।
प्रचण्ड–नेपाल समूहले प्रधानमन्त्री केपी शर्मा ओलीमाथि अविश्वासको प्रस्ताव ल्याउने तयारी गरेको छ । यसअघि समूहले विपक्षी दलहरु नेपाली कांग्रेस र जनता समाजवादी पार्टी (जसपा)सँग अविश्वासको प्रस्तावबारे छलफल गरेको थियो । तर, नेकपा विभाजनबारे निर्वाचन आयोगले निर्णय नगरेको हुँदा दलहरुले त्यसबारे निर्णय गर्न सकेका छैनन् ।
यस्तो अवस्थामा प्रचण्ड–नेपाल समूह अन्यौंलमा परेको छ ।
सिंहदरबारमा जारी बैठकमा उक्त समूहका अध्यक्षद्वय पुष्पकमल दाहाल ुप्रचण्डु, माधवकुमार नेपाल, बरिष्ठ नेता झलनाथ खनाल र प्रवक्ता नारायणकाजी श्रेष्ठ सहभागी छन्।
वि.सं.२०७७ फागुन १७ सोमवार ११:०७ मा प्रकाशित
