१७ फागुन, काठमाडौं । पछिल्लो २४ घण्टामा देशैभरी ७३ जनामा कोरोना संक्रमण पुष्टि भएको छ । देशैभरी गरिएको ३ हजार ४९ नमुना परीक्षणमा ७३ जनामा संक्रमण पुष्टि भएको हो ।
संक्रमित हुनेमा महिला २९ र पुरुष ४४ जना रहेका छन् । आज थपिएका ७३ जनासँगै नेपालमा कोरोना संक्रमितको कूलसंख्या २ लाख ७४ हजार २१६ पुगेको छ ।
त्यसैगरी आज देशैभरी ६४ जना कोरोना संक्रमणबाट मुक्त भएका छन् । आज निको भएका ६४ जनासँगै नेपालमा कोरोना संक्रमणबाट मुक्त हुनेको कूलसंख्या २ लाख ७० हजार ४७१ पुगेको छ । निको हुनेको यो दर ९८.६ प्रतिशत हो ।
त्यस्तै पछिल्लो २४ घण्टामा देशैभरी ३ जना कोरोना संक्रमितको निधन भएको तथ्यांक प्राप्त भएको छ । आज थपिएका ३ जनासँगै हालसम्म ज्यान गुमाउनेको संख्या २ हजार ७७७ रहेको छ ।
त्यसैगरी देशैभरीका विभिन्न क्वारेन्टिनमा रहनेको संख्या ६१ रहेको छ ।
मन्त्रालयका अनुसार हालसम्म विभिन्न संस्थागत आइसोलेशन तथा होम आइसोलेशनमा रहेका सक्रिय संक्रमितको संख्या ९६८ रहेको छ ।
त्यसैगरी हालसम्म पिसिआर प्रविधिबाट २१ लाख ६५ हजार ९८५ नमुना परीक्षण गरिएको छ ।
निरन्तर घट्दै कोरोना संक्रमितको संख्या, २४ घण्टामा थपिए ७८ संक्रमित, १ जनाको निधन
वि.सं.२०७७ फागुन १७ सोमवार १६:३८ मा प्रकाशित