हामी सबैकाे संसारन्यूज

१९ फागुन, काठमाडौं । सरकार र नेत्रविक्रम चन्द ‘विप्लव’ नेकपाको पहिलो चरणको वार्ता सकिएको छ ।

मंगलबार गृहमन्त्री रामबहादुर थापा ‘बादल’को नेतृत्वमा वार्ता टोली गठन गरे लगत्तै बुधबार सरकार र विप्लवपक्षको पहिलो चरणको वार्ता सुरु भएको हो ।

दुवैतर्फका टोलीबीच बुधबार विहान भएको वार्ताको स्थान र कु्राकानी गोप्य राखिएको स्रोतले जनाएको छ । स्रोतका अनुसार फेरि बस्नेगरी आजको वार्ता सकिएको हो ।

सरकारले विप्लव समुहसँग वार्ताको वातावरण बनाएसँगै विप्लव समुहले पार्टीका केन्द्रीय सचिवालय संदस्य एवं प्रवत्ता खड्गबहादुर विश्वकर्मा ‘प्रकाण्ड’ नेतृत्वमा वार्ता टोली बनाएका थिए । वार्ता टोलीमा अर्का सदस्यका रुपमा उदय चलाउने ‘दीपक’ पनि रहेका छन् ।