Sansar News
२० फागुन, काठमाडौं । महँगो व्याज पाइने भन्दै सहकारीमा पैसा राखेका एक पूर्वसचिवलाई यतिबेला प्रहरीमा धाइरहनुपर्ने आपत् आइपरेको छ ।
यस्तो आपत्मा परेका अवकाश प्राप्त सचिव हुन् श्याम मैनाली । उनले अवकाश प्राप्त गर्दाको रकम बढी व्याज आउने आसमा सहकारीमा राखेका थिए । तर काठमाडौं ४ सुकेधारास्थित आनन्द नगर बचत तथा ऋण सहकारी संस्था लिमिटेडका व्यवस्थापक सापोकोटाले सहकारीमा बचत रहेको ४० करोड रुपैयाँ हिनामिना गरेर भागेपछि पुर्वसचिव मैनालीलगायतका बचतकर्ता एकवर्षदेखि विखलन्दमा परेको बुधकारको जनआस्था साप्ताहिकमा समाचार छ ।
यसरी रकम डुबेपछि पुर्वसचिव मैनाली सोमबारदेखि महाराजगन्ज प्रहरीमा धाउन थालेका छन् ।
४० करोड हिनामिना पारेर भारत पसेका सापकोटालाई प्रहरीले भारतबाट पक्राउ गरेर ल्याएपछि व्यवस्थापक र संघर्ष समितिबीच भएको सहमति बमोजिम विस्तारै रकम असुल गर्ने बताइएको छ ।
वि.सं.२०७७ फागुन २० बिहीवार १३:१० मा प्रकाशित
