Sansar News
फागुन २०, काठमाडौं । म्यानमारमा सेनाले प्रजातन्त्रवादीमाथि व्यापक दमन गर्न थालेको छ । सत्ता आफ्नो हातमा लिएको एक महिना पुग्दै गर्दा सेनाले व्यापक दमनको नीति लिएको हो ।
सेनाले प्रदर्शनकारीमाथि अन्धाधुन्ध गोली वर्षाउन थालेको छ । बुधबार मात्रै सेनाको गोली लागी ३८ प्रदर्शनकारीको ज्यान गएको पुष्टी अन्तराष्ट्रिय सञ्चारमाध्यमले गरेका छन् । सञ्चारमाध्यमका अनुसार थुप्रै प्रदर्शनकारीको मृत्युबारे भने सञ्चारमाध्यमहरु बेखबर छन् ।
सामाजिक सञ्जालमा रगतको खोलो बगेको सडकका तस्बिर र भिडियो भाईरल बनिरहेका छन् । निकै भयानक देखिने तस्बिरहरु मोनिवा पायिडांग सु सडकका हुन् । बुधबार मध्यान्ह १२ बजे उक्त सडकमा म्यानमार सेनाले प्रदर्शनकारीमाथि अन्धाधुन्ध गोली प्रहार गरेको थियो ।
वि.सं.२०७७ फागुन २० बिहीवार १७:२२ मा प्रकाशित
