हामी सबैकाे संसारन्यूज

१ चैत्र, काठमाडौँ । नेपाल प्रहरीमा रिक्त रहेको प्रहरी कार्यालय सहयोगी(माली/बगैंचा, भान्छे, हजाम, सिलाई/बुनाई, कुचिकार र खेलाडी) पदका लागि आज हुने भनिएको अन्तरवार्ताको मिति सारिएको छ ।

प्रहरी प्रधान कार्यालयले शनिबार सूचना जारी गरी गत कार्तिकमा प्रदेश प्रहरी तालिम केन्द्रहरु र महानगरीय प्रहरी शिक्षालयमा संचालन भएको प्रयोगात्मक परीक्षामा सहभागी भएका उम्मेदवारहरुहरु मध्येबाट छनौटमा परेका उम्मेदवारहरुको नामावली सार्वजनिक गर्दै आज हुने भनिएको अन्तरर्वार्ताको चैत्र ३ गतेका लागि सारिएको जनाइएको छ ।

सूचनामा यसअघि आज(चैत्र १)हुने भनिएको अन्तर्वार्ताको मिति मंगलबार(चैत्र ३ गते) बिहान ७ बजे प्रदेश प्रहरी तालिम केन्द्रहरु र महानगरीय प्रहरी शिक्षालय महाराजगंजमा संचालन हुने उल्लेख छ ।

अन्तर्वार्तामा सहभागी उम्मेदवारहरुलाई आफ्नो शैक्षिक योग्यताको प्रमाणपत्र, नेपाली नागरिकको प्रमाणपत्र, प्रवेश पत्र र समावेशी समूहमा उर्तिण हुने उम्मेदवारहरुले समावेशीको प्रमाणपत्र लिइ परीक्षा सुरु हुनुभन्दा १ घण्टा अगाबै उपस्थित हुन भनिएको छ ।