हामी सबैकाे संसारन्यूज

चैत १, काठमाडौं । नेकपा (माओवादी केन्द्र)को केन्द्रीय समिति बैठक आज बस्ने भएको छ । माओवादी केन्द्रका स्थायी समिति सदस्य गणेश शाहका अनुसार बैठक बिहान ११ बजेदेखि पार्टी केन्द्रीय कार्यालय पेरिसडाँडामा बस्नेछ ।

आजको बैठकमा केन्द्रीय सदस्यहरुबीच समसामयिक राजनीतिक अवस्थाबारे छलफल हुनेछ । साथै एमालेमा लागेका नेताहरुबारे सोधिएको स्पष्टीकरणबारे निर्णय हुने उनले जनाए ।

उनका अनुसार सत्ता समीकरण र सरकारलाई दिएको समर्थन फिर्ताबारे पनि बैठकले निर्णय गर्नेछ ।

यसअघि शनिबार बसेको स्थायी समिति बैठकले सरकारमा रहेको ७ मन्त्रीलाई फिर्ता बोलाउने र एमालेमा प्रवेश गरेका २३ नेतालाई स्पष्टीकरण सोध्ने निर्णय गरेको थियो । बैठकले माओवादीबाट सरकारमा सहभागी रामबहादुर थापा बादल, लेखराज भट्टसहितका मन्त्रीलाई फिर्ता बोलाउने र २४ घण्टे स्पष्टीकरण सोध्ने निर्णय गरेको थियो ।

साथै आजको बैठकमा पार्टीको नाम फेर्ने एजेण्डाका विषयमा पनि छलफल हुनसक्ने जनाइएको छ ।