Sansar News
१ चैत, काठमाडौं । सिराहाको लाहानस्थित मालपोत कार्यालयमा भएको बम विस्फोट घटनाको जिम्मा जनतान्त्रिक तराई मुक्ति मोर्चा (क्रान्तिकारी) ले लिएको छ ।
मालपोत कार्यालयका नायब सुब्बासहित ८ जना घाइते हुने गरि गराइएको उक्त बम विस्फोटको जिम्मा जयकृष्ण गोइत अध्यक्ष रहेको मुक्ति मोर्चाले विज्ञप्ति जारी गर्दै लिएको छ ।
विस्फोटमा परि गम्भीर घाइते भएका दुईजनालाई काठमाडौ पठाइएको र अन्यको स्थानीय अस्पतालमा उपचार गराइएको प्रहरीले जनाएको छ ।
‘तराईमा भ्रष्टाचार विरोधि अभियान अन्तर्गत सिराहा जिल्लाको लाहान नगरपालिका अन्तर्गत रहेको मालपोत कार्यालयमा आज २०७७ चैत १ गते मध्यान्ह १२ बजेर ४७ मिनेटमै प्रेसर कुकर बम कार्बाही स्रुप विस्फोट गराएका छौं,’ विज्ञप्तिमा भनिएको छ, ‘यसरी भ्रष्टाचार (अपराध) जारी नै रहे यसभन्दा पनि उच्चस्तरको कारबाही गर्छौं ।’
वि.सं.२०७७ चैत १ आइतवार १७:२५ मा प्रकाशित
