चैत २,काठमाडौं । नेकपा (एमाले)को माधव कुमार नेपाल समूहले बेग्लै केन्द्रीय सदस्य र सांसदहरुको बैठक बोलाएको छ । सोमबार पार्टी अध्यक्ष एवं प्रधानमन्त्री केपी शर्मा ओलीसँग वार्ता गरेको समूहले वार्ताबारे जानकारी दिन र आगामी रणनीति बनाउन बैठक बोलाएको हो ।
सो समूहका एक स्थायी समिति सदस्यले जानकारी दिएअनुसार बैठक नयाँ बानेश्वरस्थित अर्याल होटेलमा सुरु भएको छ ।
यसअघि पार्टी केन्द्रीय कार्यालय धुम्बाराहीमा भएको दुई समूहबीचको बैठक विना निष्कर्ष टुंगीएको थियो । ओलीले पक्षले गत फागुन २८ गतेको बैठक र निर्णयअनुसार नै अगाडि बढ्नुपर्ने अडान राखेको थियो ।
वि.सं.२०७७ चैत २ सोमवार १६:४६ मा प्रकाशित