Sansar News
चैत ३, काठमाडौं । राष्ट्रपति विद्यादेवी भण्डारीले बोलाएको सर्वदलीयले बैठक शीतल निवासमा सुरु भएको छ ।
राष्ट्रपति निवासमा सुरु बैठकमा नेकपा एमालेका नेताद्धय झलनाथ खनाल र माधवकुमार नेपालले भने बहिस्कार गरेका छन् । दुवै नेताले राष्ट्रिय कार्यकर्ता भेलाको व्यवस्ततालाई देखाउँदै नगएका हुन् ।
खनाल र नेपालजस्तै बाबुराम भट्टराई पनि कार्यक्रम अनुपस्थित भएका छन् । उनले स्वास्थ्य समस्याका कारण उपस्थित नभएको जनाएका छन् ।
भट्टराईका प्रेस सहयोगी विश्वदीप पाण्डेका अनुसार स्वास्थ्यकर्मीले सार्वजनिक कार्यक्रममा सहभागी नहुन भट्टराईलाई सुझाब दिएका छन् ।
बैठकमा नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, मन्त्रिपरिषदका पूर्वअध्यक्ष खिलराज रेग्मीलगायत सहभागी छन् ।
वि.सं.२०७७ चैत ३ मंगलवार १७:०३ मा प्रकाशित
