Sansar News
३ चैत्र, काठमाडौं । प्रदेश १ का मुख्यमन्त्री शेरधन राई हेलिकप्टर लिएर ससुराली गएका छन् ।
केही समयअघि आफूभन्दा आधा उमेर कान्छी युवतीसँग विवाह बन्धनमा बाँधिएका राई श्रीमतीका साथ हेलिकप्टर चार्टर गरेर आज ससुराली गएका हुन् ।
राईकी श्रीमती जाङ्ग्मु इन शेर्पाले फेसबुकमा फोटो पोस्ट गर्दै हेलिकप्टर चढेर माइती हिँडेको जानकारी गराएकी छन् । उनले क्याप्सनमा ‘भर्खरै आफ्नो जन्मस्थल संखुवासभा मकालु गाउँपालिकाको सेदुवा र नोर्बुको भ्रमण मेरो श्रीमान माननीय शेरधन राई र सबै सपरिवारका साथ गर्न पाउँदा असाध्यै खुशी लाग्यो १ म त जन्मिएको मात्रै,मेरो गाउँ अति नै सुन्दर रहेछ ११ सबैले न्यानो स्वागत र सत्कार गरे थिए,धेरै खुशी लाग्यो’, लेख्दै केहि तस्बिरहरु पोस्ट गरेकी छन् ।
उनले सार्वजनिक गरेका उक्त तस्बिरहरु यतिबेला सामाजिक सञ्जालमा निकै भाइरल भइरहेको छन् ।
वि.सं.२०७७ चैत ३ मंगलवार १६:५४ मा प्रकाशित
