Sansar News
४ चैत्र, काठमाडौँ । सरकारले पटक–पटक पेट्रोलियम पदार्थको मूल्यवृद्धि गरी जनताको ढाड सेक्ने काम गरेको भन्दै अनेरास्ववियु(क्रान्तिकारी)ले विरोध जनाएको छ ।
अध्यक्ष हरिकृष्ण गजुरेलद्वारा जारी विज्ञप्तिमा ‘सरकारले पेट्रोलियम पदार्थको मूल्य वृद्धि गरेकोमा त्यसको घोर विरोध, निन्दा एवम् भत्र्सना गर्दछ’ भनिएको छ ।
पेट्रोलियम पदार्थको मूल्यवृद्धिले यातायात, खाद्यान्न, लत्ताकपडालगायत सबै क्षेत्रमा प्रभाव पार्ने हुँदा पटक–पटक बढाइएको मूल्यवृद्धि अविलम्ब फिर्ता लिन नेपाल सरकारसँग हार्दिक अपिल गरिएको छ ।
‘अन्यथा, समाजवादको डङ्का पिट्ने तर खुलेआम भ्रष्टाचार गर्नुका साथै राष्ट्रघात, जनघातलगायतका गतिविधिहरु गर्ने र दलाल, माफिया, भ्रष्टाचारी र घुसखोरीहरुको संरक्षण गर्ने नेपाल सरकारविरुद्ध सशक्त संघर्षमा उत्रन बाध्य हुने चेतावनीसमेत दिन चाहन्छौं ।’ विज्ञप्तिमा भनिएको छ ।
वि.सं.२०७७ चैत ४ बुधवार १६:३७ मा प्रकाशित
