५ चैत, काठमाडौं । नेकपा एमालेको संसदीय दलको बैठक आज बस्ने भएको छ ।
प्रधानमन्त्री केपी शर्मा ओली निवासमा विहान ११ बजे बस्ने उक्त बैठकका लागि माधव कुमार नेपाल पक्षका सांसदहरुलाई पनि म्यासेज गरेर बोलाइएको बताइएको छ ।
एमालेका प्रमुख सचेतक विशाल भट्टराईले माधव पक्षका सांसदहरुलाई म्यासेज गरेर बैठकमा बोलाइएको तर उनीहरुले कुनैपनि प्रतिक्रिया नदिएको बताएका छन् ।
बुधबार र विहिबार राष्ट्रिय कायकर्ताको भेला आयोजना गरेको माधव नेपाल र झलनाथ खनालको समूह भने बैठकमा सहभागी नहुने बताएका छन् ।
नेता खनालले पार्टीभित्र कुनैपनि छलफल नगरी बोलाइएको बैठकमा आफूहरु सहभागी नहुने तथा राष्ट्रिय कार्यकर्ता भेला छाडेर हिड्न नमिल्ने बताएका छन् ।
वि.सं.२०७७ चैत ५ बिहीवार १०:२३ मा प्रकाशित