हामी सबैकाे संसारन्यूज

५ चैत, काठमाडौँ । अफगानिस्तान र जिम्बाबे बिच यूएईमा भएको पहिलो टि-२० मा अफगानिस्तानले ४८ रनको विशाल जित हात पारेको छ ।

टस हारेर पहिले ब्याटिङ्ग गरेको अफगानिस्तानले २० ओभरमा ५ विकेट गुमाएर १९५ रन बनाएको थियो । ब्याटिङ्गमा अफगानिस्थानका लागि रहमानुल्लाह गुर्बाजले सर्वाभिक ८७, कप्तान असगर अफगानले ५६ र करीम जनतले २६ रन बनाएका थिए भने जिम्बाबेका लागि बलिङ्गमा रिचर्ड नगारावा र मुजाराबानीले सर्वाधिक २/२ विकेट हात पारेका थिए ।

१९६ रनको विशाल लक्ष्य पछाएको जिम्बाबेले २० ओभरमा ७ विकेट गुमाएर १५० रन मात्र बनाउन सक्यो । जिम्बाबेका लागि तिन्नासे कामुनहुकाम्वेले सर्वाधिक ४४ रन बनाएका थिए । यता बलिङ्गमा अफगानिस्तानका लागि रासिद खानले ४ ओभरमा २८ रन खर्चेर सर्वाधिक ३ विकेट हात पारेका थिए । त्यसैगरी फरीद मलिक र करीम जनतले पनि २/२ विकेट हात पार्न सफल भएका थिए ।

पहिलो टि-२० जित हासिल गरेसँगै अफगानिस्थानले ३ खेलको टि-२० श्रृखलामा १-० ले अग्रता लिएको छ ।