Sansar News
चैत ५, काठमाडौं । नेकपा (एमाले)का वरिष्ठ नेता माधवकुमार नेपाल समूहका सांसदहरुको छुट्टै भेला भएको छ । राष्ट्रिय भेला गरिरहेको नेपाल समूहले ललितपुरको हेरिटेज गार्डेनमा छुट्टै भेला गरेको हो ।
यसअघि समूहले प्रधानमन्त्री एवं नेकपा एमालेका अध्यक्ष केपी शर्मा ओलीले बोलाएको संसदीय दलको बैठकमा नजाने निर्णय गरेको थियो । बैठकमा नजाने निर्णय गरेको नेपाल समूहले आगामी योजना बनाउन छुट्टै भेला गरेको हो ।
प्रधानमन्त्री ओलीले बिहान ११ बजेदेखि भेला बोलाएका थिए । सोही समयलाई जुधाउँदै माधव समूहले सांसदहरुको भेला गरेको हो ।
वि.सं.२०७७ चैत ५ बिहीवार ११:३१ मा प्रकाशित
