हामी सबैकाे संसारन्यूज

चैत ५,काठमाडौं । नेकपा (एमाले)को संसदीय दलको बैठक प्रधानमन्त्री निवास बालुवाटारमा सुरु भएको छ । प्रधानमन्त्री एवं नेकपा एमालेको संसदीय दलको नेता केपी शर्मा ओलीको अध्यक्षतामा बैठक सुरु भएको हो ।\

सुरु बैठक एमालेको माधव कुमार नेपाल पक्षले भने बहिस्कार गरेको छ । बैठकमा उपस्थित हुनको लागि ह्वीप जारि गरिएको भएपनि माधव पक्षले राष्ट्रिय कार्यकर्ता भेला देखाउँदै अनुपस्थित भएको हो ।

अहिले माधव पक्षको छुट्टै भेला सानेपास्थित हेरिटेज गार्डेनमा जारी छ । यसअघि ओलीले बोलाएको बैठकमा जाने वा नजाने भन्ने विषयमा अन्यौंल हुँदा केहि सांसदहरु बालुवाटारसम्म पुगेका थिए । तर, नेता भीम रावलको निर्देशनपछि उनीहरु फिर्ता भएका थिए ।

यता प्रधानमन्त्री ओली पक्षले भने बैठकमा सहभागी नभए पार्टीको विधानअनुसार कारबाही गर्ने चेतावनी दिएको छ । प्रधानमन्त्रीले माधव पक्षको राष्ट्रिय भेलालाई इंगित गर्दै विधान आर्कषित हुने बताएका थिए ।