Sansar News
१० चैत, काठमाडौं । कोरोना महामारीका बेला चीनबाट नेपाल फर्केका एमबीबीएस अध्ययनरत विद्यार्थी इन्टरर्नसिप पूरा गर्न नपाउँदा समस्यामा परेका छन् ।
चीन फर्कने ग्यारेन्टी नभएकोले बाँकी इन्टर्नसिप नेपालमै पूरा गर्न पाउनुपर्ने उनीहरुको माग छ । विभिन्न विश्वविद्यालयका १ सय ५२ विद्यार्थीले इन्टर्नसिप सुनिश्चितताको माग गर्दै सोमबारदेखि मेडिकल काउन्सीलमा धर्ना सुरु गरेका छन् ।
‘मेरो ४ महिनामा मात्र इन्टरर्नसिप बाँकी छ, विश्वविद्यालय र दूतावासले कहिले चीन बोलाउँछ थाहा छैन,’ छात्रा मिमांशु खतिवडाले भनिन्, ‘पढाई पूरा गरेर काम थाल्नु पर्ने बेलामा अनिश्चित भएर बस्नु परेको छ ।’ उनका अनुसार ३ देखि १० महिनासम्मको इन्टरर्नसिप अवधि बाँकी भएका छात्रछात्रा विचल्लीमा परेका मंगलबारको कान्तिपुर दैनिकमा समाचार छ ।
चीनस्थित नेपाली दूतावास र नेपालस्थित चिनिया दूतावासले तत्काल विद्यार्थी लैजान सक्ने परिस्थिति नभएकाले यही सहजीकरण गर्न शिक्षा मन्त्रालय र परराष्ट्र मन्त्रालयलाई जानकारी गराएका छन् । शिक्षा मन्त्रालयमा भएको छलफलमा काउन्सिलका पदाधिकारी इन्टरर्नसिप नेपालमै गर्नदिने बारे सकारात्मक नदेखिएको विद्यार्थीहरुको गुनासो ।
गत वर्ष चीनको वुहानबाट सहरबाट कोरोना संक्रमण फैलिदएपछि त्यहाँ अध्ययनरत नेपाली विद्यार्थी देश फर्केका थिए ।
वि.सं.२०७७ चैत १० मंगलवार ०९:१४ मा प्रकाशित
