हामी सबैकाे संसारन्यूज

१२ चैत्र, काठमाडौँ । अनलाइनबाट औषधी बिक्री वितरण गर्न प्रतिबन्ध लगाइएको छ ।

विभागले सूचना जारी गर्दै त्यस्ता अनलाइन फार्मेसीहरुलाई औषधी बिक्री वितरणमा प्रतिबन्ध लगाउँदै त्यस्ता औषधी प्रयोग नगर्न औषधी व्यवस्था विभागले सर्वसाधारण सबैसँगसमेत अनुरोध गरेको हो ।

अनलाइन फार्मेसीले विभिन्न छुट/सुविधा भन्दै गैरकानुनी रुपमा सामाजिक सञ्जालहरुमा प्रचार प्रसार गरिएको प्रति गम्भिर ध्यानाकर्षण भएको जनाएको छ ।

औषधीहरुको विज्ञापन गर्नुपूर्व औषधी ऐनको दफा १९ बमोजिम विभागबाट पूर्व अनुमति लिनुपर्ने स्पष्ट कानुनी प्रवाधान रहेको उल्लेख गर्दै विभागले सोको वर्खिलाप हुन नदिन अर्को व्यवस्था नहुन्जेल सम्मको लागि त्यस्ता भ्रमपूर्ण प्रचारप्रसार सहितका अनलाइन फार्मेसीसँग सम्बन्धित सम्पूर्ण कार्यहरु तत्काल बन्द गर्न निर्देशन दिएको हो ।

औषधीको मूल्यमा छुट लगायतका प्रलोभन देखाई बिक्री वितरण कार्यमा नफस्न उपभोक्ताहरुलाईसमेत सचेत  गराइएको छ ।