हामी सबैकाे संसारन्यूज

१२ चैत, काठमाडौँ । नेपाली राष्ट्रिय टिमका युवा लेग स्पिनर सन्दिप लामिछानेले इंल्याण्डमा टि-२० प्रतियोगिता खेल्ने भएका छन । उनीले इंल्याण्डको चर्चित टि-२० प्रतियोगिता भिटालिटी ब्लास्टमा खेल्ने भएका हुन ।

२०२१ को भिटालिटी ब्लास्टका लागि वोर्स्टरशायर र्‍यापिड्सको टिमले सन्दिप अनुबन्धित गरेको हो । सन्दिपलाई टिममा अनुबन्धित गर्न पाएकोमा टिममा कोच एलेक्स गिडम्यानले खुसी व्यक्त गरेका छन । ‘सन्दीपले धेरै टुर्नामेन्ट खेलेका छन् र फ्रेन्चाइज क्रिकेटमा धेरै अनुभव लिएका छन । हामीले टिममा सन्तुलनका लागि उनलाई अनुबन्ध गरेका हौँ । उनको अनुबन्धबाट हामी खुसी छौँ ।’ एलेक्स गिडम्यान

भिटालिटी ब्लास्ट ९ जुनबाट सुरु हुनेछ । यस अघि इंल्याण्ड एण्ड वेल्स क्रिकेट र्बोडले पहिलो पटक आयोजना गर्न लागेको द हन्ड्रेड क्रिकेट प्रतियोगिताका लागि पनि ओवल इन्भिन्सिबल्सको टिममा अनुबन्धित भईसकेका छन ।