हामी सबैकाे संसारन्यूज

१३ चैत, काठमाडौं । पोखरामा कोरोना संक्रमण देखिएका विद्यार्थीले नै परीक्षा स्थगित गर्न नमानेपछि परीक्षा संचालन हुने भएको छ ।

पोखराको लामाचौरस्थित इन्जिनियरिङ अध्ययन संस्थान परिश्चमान्चल क्याम्पसका ७४ जना विद्यार्थीमा कोरोना संक्रमण देखिएपछि स्नातक तह चौथो वर्षको परीक्षा स्थगित गरिएको थियो । तर संक्रमित विद्यार्थीले नै एकवर्ष खेर जाने भन्दै परीक्षामा सामेल हुने भनेपछि परीक्षा सुरु गर्न लागिएको क्याम्पसले जनााएको विहीबारको कान्तिपुर दैनिकमा समाचार छ ।

चौथो वर्षमा ३ सय ७६ विद्यार्थी रहेकामा १६ जना संक्रमित छन् । ‘संक्रमित र अन्य विद्यार्थीलाई छुट्टाछुट्टै भवन र कोठामा भौतिक दूरी कायम राख्दै परीक्षा लिन्छौं,‘ क्याम्पस प्रमुख रामप्रसाद पौडेलले भने, ‘उत्तरपुस्तिका एउटा बास्केटमा राखेर केही दिनपछि स्यानेटाइजरलगायतका सबै सुरक्षाका उपाय अवलम्बन गरिनेछ । ’

विद्यार्थी र क्याम्पस प्रशासनबीचको सहमतिमै परीक्षा गर्न लागिएको स्ववियु सभापति इन्द्र पौडेलले बताए ।

चारदिनमा ७४ विद्यार्थी संक्रमित भएपछि स्नातकतहको परीक्षा नै स्थगित