Sansar News
१५ चैत, काठमाडौं । स्वास्थ्य तथा जनसंख्या मन्त्रालयले पछिल्ला केही दिनयता उपत्यकामा वायु प्रदूषण बढ्दै गएकोमा सावधानी अपनाउन सर्वसाधारणमा अनुरोध गरेको छ ।
वायु प्रदूषणका कारण श्वास प्रश्वासमा कठिनाई लगायतका विभिन्न स्वास्थ्य समस्या देखिएको भन्दै घरबाहिरको खुला स्थानमा नबस्न÷नखेल्न, मर्निङवाकमा नजान तथा घर बाहिर गएर शारिरीरक व्यायाम नगर्न अनुरोध गरेको छ ।
त्यस्तै दिर्घरोगी, जेष्ठ नागरिक र बालबालिकाको विशेष ख्याल राख्न अनुरोध गर्दै घरबाहिर निस्कनै परे मास्कको अनिवार्य प्रयोग गर्न र कोभिड–१९ का लागि तोकिएको मापदण्ड पालना गर्न पनि अनुरोध गरेको छ ।
मन्त्रालयले फोहोरको उचित व्यवस्थापन र फोहर नजलाउन पनि अनुरोध गरेको छ ।
वि.सं.२०७७ चैत १५ आइतवार ०८:३७ मा प्रकाशित
