Logo
२२ श्रावण २०७९, आईतवार
     Sun Aug 7 2022
E-paper
  English Edition
   Unicode
Logo

गिरानचौरमा अर्को एकीकृत बस्तीको शिलान्यास



giranchour-namuna-basti

आदित्य दाहाल, २० माघ, मेलम्ची । सिन्धुपाल्चोक जिल्लाको मेलम्ची नगरपालिका–८ गिरानचौरमा सामुदायिक स्थायी एकीकृत नमुना बस्ती निर्माण हुने भएको छ ।

बुधबार राष्ट्रिय पुनर्निर्माण प्राधिकरणका कार्यकारी प्रमुख डा गोविन्दराज पोखरेलले बस्ती निर्माणका लागि शिलान्यास गर्नुभएको होे । गिरानचौरमा अब बन्न लागेको एकसय ५० वटा भूकम्प प्रतिरोधात्मक भवन धुर्मुस–सुन्तलीले यसअघि यही स्थानमा निर्माण गरेपछिको देशकै ठूलो बस्ती विस्तार योजना हो ।

शिलान्यासका क्रममा गिरानचौर पुगेका पोखरेलले अबको भावी पुस्ताले भूकम्पपश्चात् बन्ने एकीकृत बस्ती विस्तार योजनाले देशको नै चिनारी राख्ने बताउनुभएको छ । एकीकृत नमुना बस्ती विस्तारको पथप्रदर्शक कलाकार धुर्मुस र सुन्तलीले जस्तै यो सामुदायिक एकीकृत बस्ती पनि उदाहरणीय हुने पोखरेलले बताउनुभयो । पुनर्निर्माणको कार्यमा गिरानचौरमा निर्माण हुन लागेको बस्ती देशका लागि सन्देशमूलक कार्य भएकाले सबै स्थानीय मिलेर पुनर्निर्माणमा अगाडि बढ््न र एकसाथ जुट्न उहाँले प्रेरित गर्नुभयो ।

प्रमुख पोखरेलले विकासका पूर्वाधारलाई प्रयोग गरी सबै मिलेर आवास निर्माणमा लागे पुनर्निर्माण सम्भव रहेको भन्दै स्थानीयवासी मिलेर निर्माणमा अग्रसर भए सरकारले सक्दोे सहयोग गर्ने पोखरेलले प्रतिबद्धता जाहेर गर्नुभयो ।

कार्यक्रममा उहाँले पुनर्निर्माणका लागि एकीकृत बस्ती मुख्य रहेको र निर्माण कार्यलाई अगाडि बढाउन दोस्रो किस्ता निर्णय गरेर सोमबार नै जिविसमा पठाइसकेको र प्रक्रिया मिलाएर तत्काल वितरण सुरु गरिनेसमेत उहाँले प्रस्ट पार्नुभयो ।

हेलम्बु राजमार्ग अन्तर्गतको सिन्धुखोलाबाट चार किलोमिटर माथि रहेको गिरानचौरमा विभिन्न जातजातिका मिश्रितवासी रहँदै आएका छन् । भौगोलिक हिसाबले पनि असहज ग्रामीण भूभागमा पनि बस्ती निर्माण गर्न स्थानीयवासी अग्रसर हुनु देशकै लागि उदाहरणीय रहेको स्थानीय समाजसेवी तथा बस्ती विस्तार योजनाको प्रमुख गणेश तिवारीले बताउनुभयोे ।

तामाङ, तिवारी र भट्टराई गरी एकसय ५० परिवारको सक्रियतामा अनुदानको भरमा घर बनाउन थालिएको तिवारीको भनाइ छ । ‘आफ्नो घर आफैँ बनाऔँ, विश्वसामु चिनाऔँ’ भन्ने नाराका साथ गिरानचौरका भूकम्पपीडितले आफ्नो घर बनाउन आफैँ लागिपरेका र यसले मेलम्ची नगरपालिका मात्र नभएर सिङ्गो नेपालकै लागि चिनारी बनेको मेलम्ची नगरपालिकाका कार्यकारी प्रमुख पूर्णप्रसाद दुलालले बताउनुभयो ।

गिरानचौरमा मात्रै धुर्मुस–सुन्तली फाउन्डेसनद्वारा बनेको नमुना बस्तीबाहेक एकसय पाँच तामाङ परिवार अझै पनि भत्केकै घर तथा टहरामा रात कटाउन बाध्य छन् ।

सहरी डिभिजन कार्यालयको तथ्याङ्कअनुसार ७८ हजार पाँचसय ३७ लाभग्राही सङ्ख्यामध्ये ७४ हजार नौसय १२ लाई पहिलो किस्ता बाँडेर सकिएको छ । छुटेको भनेर गुनासो गर्ने मात्र १४ हजार चारसय ४७ रहेका छन् । दोस्रो किस्ताका लागि पाँचसय ४७ ले माग गरेका छन्, जसमा ४७ घरको मात्र प्रमाणित भएर आएको छ ।


यो खबर पढेर तपाईलाई कस्तो महसुस भयो ?

काठमाडौं । सुनचाँदी बजारमा आज छापावाल सुनको मूल्य प्रतितोला रु ९६ हजार ३ सय

काठमाडौं । डा. बाबुराम भट्टराई र महेन्द्र राय यादव अध्यक्ष रहेको नेपाल समाजवादी पार्टीको

काठमाडौं । आम निर्वाचनको मिति घोषणा भएसँगै पाँच दलीय सत्ता गठबन्धनका नेताहरु तालमेलको गृहकार्यमा