Sansar News
२५ चैत, काठमाडौं । नेकपा एमालेको माधव पक्षले कास्कीमा विस्तार गरेको समानान्तर कमिटीदाई पूर्णता दिएको छ ।
गत साता गण्डकी प्रदेश इन्चार्ज सुरेन्द्र पाण्डेको उपस्थितिमा पोखराको न्युरोडमा आयोजित जिल्ला कार्यकर्ताको भेलाले धनराज आचार्यको संयोजकत्वमा ७५ सदस्यीय समानान्तर कमिटी गठन गरेको थियो ।
सोहि कमिटीले कार्यसमितिलाई पूर्णता दिने बताइए अनुरुप सदस्य थप गरेर १४९ जनाको कास्की जिल्ला कमिटी बनाइएको हो । कमिटीका पदाधिकारीले मंगलबार सपथ ग्रहण गरेका छन् ।
कार्यसमितिमा धनराज आचार्य अध्यक्ष, शोभाखर भण्डारी उपाध्यक्ष, सचिवमा होम नेपाली, महासचिवमा पुर्ण लामा तथा सदस्यहरुमा अर्जुन केसी, भरत देवकोटा, चित्र बहादुर गुरुङ, दुर्गा प्रसाद गुरुङ, मानसिंह वि.क, यदु अधिकारीलगायत रहेका छन् ।
यसअघि नेपाल पक्षले वागमती र सुदूरपश्चिममा प्रदेश कमिटी विस्तार गरिसकेको छ भने काठमाडौं, अर्घाखाँची, गोरखा र कास्कीमा जिल्ला कमिटी विस्तार गरिसकेको छ ।
यस्तो छ कास्की जिल्ला कमिटी
वि.सं.२०७७ चैत २५ बुधवार ०९:३५ मा प्रकाशित
