हामी सबैकाे संसारन्यूज

२६ चैत, काठमाडौं । कोरोना भाइरस संक्रमणको जोखिम बढ्दै गएपछि काठमाडौं विश्वविद्यालयले अनलाईन माध्यमबाट पढाउने भएको छ ।

विश्वद्यिालयले विश्वव्यापी रुपमा फैलिएको कोरोना महामारीका कारण विश्वविद्यालयमा उपस्थित भै भौतिक रुपमा नियमित पठनपाठन गर्न कठिनाइ भएकाले चैत २६ गतेदेखि बैशाख मसान्तसम्म ( ८ अप्रिल २०२१ देखि १४ मे २०२१) सम्म अनलाईनबाट पढाइने सूचना जारी गरेको हो ।

‘ चैत २६ गतेदेखि बैशाख मसान्तसम्म (अप्रिल ८ देखि २०२१ देखि १४ मे २०२१) सम्म यस विश्वविद्यालय, स्कूल अफ साइन्स र स्कूल अफ इन्जिनियरिङ्ग अन्तर्गतका सम्पूर्ण कार्यक्रमहरुको पठनपाठन अनलाइन मार्फत् गर्ने निर्णय भएको हुँदा सम्बन्धीत सबै शिक्षक तथा विद्यार्थीका जानकारीका लागि यो सूचना प्रकाशित गरिएको छ ।’ स्कूल अफ साइन्सका डिन प्रा।डा। कन्हैया झा र स्कूल अफ इन्जिनियरिङ्गका डिन प्रा।डा। मनीष पोखरेलले संयुक्त रुपमा बुधबार जारी गरेको विज्ञप्तिमा भनिएको छ ।