हामी सबैकाे संसारन्यूज

२६ चैत, काठमाडौं । नेपाल पत्रकार महासंघ सिन्धुपाल्चोक शाखाको सम्पन्न निर्वाचनमा वाम गठबन्धन प्यानल विजयी बनेको छ । शाखामा वाम गठबन्धनको तर्फबाट जीवनप्रसाद श्रेष्ठ नेतृत्वको प्यानलनै विजयी भएको हो ।

पछिल्लो राजनैतिक घटनाले असर नपारेको सिन्धुपाल्चोकमा एमाले निकट प्रेस चौतारी र माओवादी केन्द्र निकट प्रेस संगठनको संयुक्त प्यानल बनेको थियो । भने काँग्रेस निकट प्रेस युनियनले छुट्टै चुनाव लडेको थियो ।

बुधबार राति सम्पन्न मतगणना अनुसार सिन्धुपाल्चोक शाखाको उपाध्यक्षमा दिनेश थापा, महिला उपाध्यक्षमा चन्द्रकला खत्री, सचिवमा विदुर आचार्य , सहसचिवमा नानीराम नेपाल ,सहसचीव समावेशीमा केदार माझी विजयी भएका हुन् । भने कोषाध्यक्षमा नेत्र प्रसाद पौडेल सदस्यहरूमा दिपक खत्री, गोमा खत्री, देवराज सुवेदी, प्रभात श्रेष्ठ, दिनेश दुलाल र अशोक पराजुली विजयी भएका छन् ।

महासघ जिल्ला शाखाबाट केन्द्रीय परिषद सदस्यमा प्रमोद न्यौपाने र ज्ञानेन्द्र तिमल्सिना विजयी भएका छन् । यस्तै प्रदेश परिषदमा टीका सुबेदी , मणिसुन्दर काईराला, निर्मल बस्नेत, सन्तोष चौलागाई , सीताराम कोइराला विजयी भएका छन् ।