हामी सबैकाे संसारन्यूज

१ वैशाख, काठमाडौं। प्रधानमन्त्री केपी शर्मा ओलीले प्रतिकूल बातावरणका बीच सरकारले असाधारण काम गरिरहेको बताएका छन् । नयाँ वर्ष २०७८ को अवसरमा देशवासीको नाममा सम्बोधन गर्दै उनले सरकार विभिध बाधाहरुका बिच असाधारण काम काम गर्न सफल भएको बताए ।

उनले सरकारले जनतामा विकासको आशा दिन थालेको र प्रतिकूलताका वावजुत असाधारण काम गरि रहेको बताएका छन् । यसबिच कतिपय ब्यक्तिहरु केही भएन भनेर जनतामा निराशा बढाउने काम गर्न व्यस्थ रहेको पनि उनले बताए । ‘हामीले समयको प्रतिकूलताका बीच पनि खेर जान दिएका छैनौं,’ प्रधानमन्त्री ओलीले भने ।

उनले बर्तमान सरकार सामाजिक उत्तरदाइत्वको काम देखि भौतिक पूर्वाधारको क्षत्रमा समेत प्रभावकारी रुपमा काम गर्न सफल रहेको बताए । उनका अनुसार हाल प्रतिदिन पाँच किलोमिटर भन्दा बढी बाटो निर्माण हुने गरेको छभने एक दिनमा कम्तिमा १२ वटाको दरले आवास निर्माण हुने गरेकाे  छ । यसका साथै सरकारले चाडै सामाजिक सुरक्षा भत्ता वृद्धि गर्ने बताए ।