Sansar News
१ बैशाख, काठमाडौं । पछिल्लो २४ घण्टामा देशैभरी गरिएको ४ हजार २८९ नमुना परीक्षणमा ६०३ जनामा कोरोना संक्रमण पुष्टि भएको छ । साथै ४५१ जनाको ऐन्टिजेन परीक्षण गरिएको छ ।
गत २४ घण्टामा पिसीआर विधिबाट ५८० जना र ऐन्जिेन विधिबाट गरिएको परीक्षणमा २३ जना गरी जम्मा ६०३ जना संक्रमित थपिएका हुन् ।
आज काठमाडौंमा १७३ जना, भक्तपुरमा २० जना र ललितपुरमा ६१ जना गरी उपत्यकामा आज २५४ जना नयाँ संक्रमित थपिएका हुन् ।
त्यसैगरी आज देशैभरी १२९ जना कोरोना संक्रमणबाट मुक्त भएका छन् । नेपालमा कोरोना संक्रमणबाट निको हुनेको दर ९७.५ प्रतिशत हो ।
त्यस्तै देशैभरी सक्रिय संक्रमितको संख्या ४ हजार ५६ रहेको छ । ती मध्ये संस्थागत आइसोलेशनमा ४५७ र होम आइसोलेशनमा ३,५९९ जना रहेका छन् ।
त्यस्तै आज देशैभरीका अस्पतालका आइसीयुमा ८० जना र २५ जनाको भेन्टिलेटरमा उपचार भइरहेको छ । साथै देशैभरीका विभिन्न क्वारेन्टिनमा ७९ जना रहेका छन् ।
वि.सं.२०७८ वैशाख १ बुधवार १७:२३ मा प्रकाशित
