हामी सबैकाे संसारन्यूज

३ बैशाख, काठमाडौं । भारतमा केही सातायता कोरोना संक्रमण हुनेको संख्या तिब्ररुपमा बढी रहेको छ ।

भारतमा विहीवार मात्रै १ लाख १६ हजार ६४२ जना कोरोना संक्रमित भएका छन् । साथै सोहि अवधिमा १ लाख १७ हजार ८२५ जना निको पनि भएका छन् भने ११८२ जनाको निधन भएको त्यहाँको स्वास्थ्य मन्त्रालयले जनाएको छ ।

भारतमा सक्रिय संक्रमितको संख्या १५ लाख ६३ हजार ५८८ पुगेको छ ।

संसारका सबैभन्दा बढी संक्रमित हुने १६ शहरमध्ये भारतका मात्रै १५ शहर रहेका छन् । ती १६ सूचीमा टप २ नम्बरमा भारतको मुम्बई शहर परेको पनि समाचार ऐजेन्सीहरुले जनाएका छन् ।

त्यसैगरी विहीबार महाराष्ट्रमा ६१ हजार ६९५ जनामा कोरोना संक्रमण पुष्टि भएको छ भने दोस्रो नम्बरमा उत्तर प्रदेश परेको छ । उत्तर प्रदेशमा विहीवार २२ हजार ३३९ जना संक्रमित थपिएका छन । साथै दिल्लीमा १६ हजार ६९९, छत्तिसगण्ढमा १५ हजार २५६, कर्णाटकमा १४ हजार ७३८ र मध्येप्रदेशमा १० हजार १६६ कोरोना संक्रमित थपिएका छन् ।