Sansar News
२ वैशाख, काठमाडौं । प्रभु बैंकको अध्यक्षमा लिला प्रकाश सिटौला नियुक्त भएका छन् । बैंकको वैशाख २ गते बसेको सञ्चालक समितिको बैठकले उनलाई चयन गरेको हो ।
उक्त सञ्चालक समितिको दुई सय आठौ बैंठकले स्वतन्त्र सञ्चालक सिटौलालाई अध्यक्षमा चयन गरेको हो ।बैंकले गत चैत २३ गते सिटौलालाई अध्यक्षमा चयन गर्ने गरी स्वतन्त्र सञ्चालकमा नियुक्त गरेको थियो ।
नेपाल राष्ट्र बैंकको कार्यकारी निर्देशकबाट अवकास सिटौलाले कृषि विकास बैंकको प्रमुख कार्यकारी अधिकृतमा पनि काम गरिसकेका छन् । साथै, पूर्वाञ्चल ग्रामिण विकास बैंकको प्रमुख कार्यकारी अधिकृतमा समेत काम गरिसकेका सिटौलालाई प्रभु बैंकले अध्यक्षमा चयन गरेको हो ।
वि.सं.२०७८ वैशाख ३ शुक्रवार १२:२१ मा प्रकाशित
