हामी सबैकाे संसारन्यूज

वैशाख ३, काठमाडौं । कर्णाली प्रदेशका मुख्यमन्त्री महेन्द्रबहादुर शाहीले विश्वासको मत पाएका छन् । शुक्रबार प्रदेशसभामा भएको मतदानमा उनको पक्षमा २२ मत परेको हो ।

३९ सदस्यीय प्रदेशसभामा बहुमत पुर्याउन शाहीलाई २० मतको आवश्यकता थियो । तर, उनले २२ मत पाएका छन् ।

शाही आबद्ध नेकपा (माओवादी केन्द्र)सँग १२ जना मात्रै सांसद छन् । जहाँ ६ सांसद रहेको नेपाली कांग्रेसले उनलाई घोषित समर्थन गरेको थियो । तर, एमालेका सांसदमा उनको पक्षमा मतदान गरेसँगै उनको पक्षमा २२ मत परेको हो ।

शुक्रबारको मतदानमा उनको विपक्षमा १५ मत परेको छ । उनको पक्षमा एमालेका ४ सांसदले फ्लोर क्रस गरेका छन् ।