Sansar News
६ बैशाख, काठमाडौं । नेकपा (माओवादी केन्द्र) को स्थायी समितिको बैठक केन्द्रीय कार्यालय पेरिस डाँडामा बस्दैछ ।
सोमबार दिउँसो १ बजे बस्ने भनिएको उक्त बैठकमा समसामयिक राजनीति र पार्टीको आगामी कार्य योजनाबारे छलफल हुने केन्द्रका कार्यालय सचिव श्रीराम ढकालले जानकारी दिएका छन् ।
आजको बैठकमा केपी शर्मा ओली नेतृत्वको सरकारलाई दिएको समर्थन फिर्ता लिने विषयमा छलफल तथा औपचारिक निर्णय हुने पनि एक नेताले बताए ।
सर्वोच्च अदालतले फागुन २३ गते केपी शर्मा ओली र पुष्पकमल दाहाल ‘प्रचण्ड’ नेतृत्वको नेकपालाई बदर गर्दै नेकपा एमाले र माओवादी केन्द्र व्युँत्याइँ दिएपछि माओवादी कन्द्रले सरकारलाई आफ्नो समर्थन छैन भन्दै औपचारिक रुपमा निर्णय भने गरेको छैन ।
वि.सं.२०७८ वैशाख ६ सोमवार ०९:१३ मा प्रकाशित
