Sansar News
६ वैशाख, काठमाडौँ । त्रिकोणात्मक टी–२० सिरिज अन्तर्गत नेपाली राष्ट्रिय टिमले आज मलेसियाको सामना गदैँ ।
नेपालले आफ्नो पहिलो खेलमा नेदरल्याण्ड्सलाई ९ विकेटले पराजित गरेको थियो । नेपालले सोही लयलाई कायम राख्दै मलेसियामाथि जित निकाल्ने लक्ष्यसहित मैदान उत्रिनेछ। मलेसिया भने आफ्नो पहिलो खेलमा नेदरल्याण्डसँग १५ रनले पराजित भएको थियो ।
पहिलो खेलमै फराकिलो जित हासिल गरेको नेपालले आजको खेलको प्लेइङ्ग-११ मा परिवर्तन गर्ने सम्भावना निकै कम रहेको छ ।
त्रिवि क्रिकेट मैदानमा हुने नेपाल र मलेसिया बिचको खेल नेपाली समय अनुसार १:१५ बाट सुरु हुनेछ ।
नेपालको सम्भावित प्लेइङ्ग-११
ज्ञानेन्द्र मल्ल, आरिफ शेख, दिपेन्द्रसिंह ऐरी, सोमपाल कामी, विनोद भण्डारी, आशिफ शेख, करण केसी, सन्दीप लामिछाने, अविनाश बोहरा, कुशल भुर्तेल, साहब आलम।
मलेसियाको सम्भावित प्लेइङ्ग-११
सायद अजिज, अनवर अरुदीन, अहमद फेज, वीरन्दीप सिंह, अमिनुदीन राम्ली, शफिक सरिफ, खिजार हायत, मुहमद वाफिक, शर्विन मुनीदी, पवनदीप सिंह, अनवर रहमान।
वि.सं.२०७८ वैशाख ६ सोमवार १२:३८ मा प्रकाशित
