हामी सबैकाे संसारन्यूज

वैशाख ८, काठमाडौं । निर्वाचन आयोगले लेखा परीक्षण प्रतिवेदन नबुझाउने ८६ दलसँग स्पष्टीकरण माग गर्ने निर्णय गरेको छ । लगातार तीन आर्थिक वर्षसम्म आयोगमा लेखा परीक्षण प्रतिवेदन नबुझाउने ४६ वटा राजनीतिक दल र नियमित रुपमा लेखा परीक्षण प्रतिवेदन नबुझाउने ४० वटा दललाई आयोगले स्पष्टीकरण सोधेको हो ।

आयोगले सबै दललाई ७ दिनभित्र नबुझाउनुको औचित्यपूर्णं र चित्तबुझ्दो कारण पेस गर्न भनेको छ । राजनीतिक दल सम्बन्धी ऐनअनुसार राजनीतिक दलहरूले आफ्नो आय र व्ययको वास्तविक हिसाब आर्थिक वर्ष समाप्त भएको छ महिनाभित्र इजाजत प्राप्त लेखा परीक्षकबाट लेखा परीक्षण गराई आयोगमा पेश गर्नु पर्ने छ । आयोगमा लेखा परीक्षण प्रतिवेदन पेश गर्नु पर्ने समय अवधि समाप्त भएको पैंतालिस दिनभित्र आयोगले लेखा परीक्षण प्रतिवेदन पेश नगर्ने दललाई त्यसरी लेखा परीक्षण प्रतिवेदन पेश नगर्नुको कारणबारे स्पष्टीकरण सोध्न सक्ने कानूनी व्यवस्था छ ।

राजनीतिक दलले तोकिए बमोजिम लेखा नराखेमा, लेखापरीक्षण नगराएमा वा लेखा परीक्षण प्रतिवेदन आयोगमा नबुझाएमा वा माग गरे बमोजिम स्पष्टीकरण पेश नगरेमा बीस हजार रुपैयासम्म जरिवाना गर्न सक्ने व्यवस्था रहेको छ।

यी हुन् लेखा परीक्षण प्रतिवेदन नबुझाउने ८६ दल