Sansar News
एजेन्सी । युरोपियन सुपर लिगमा प्रिमियर लिगका ६ टिम सहभागि नहुने भएका छन् । युरोपका उत्कृष्ट १२ टिमले यसअघि आइतबार युरोपमा उनिहरुको छुट्टै लिगको घोषणा गरेका थिए ।
यसअघि रियल मड्रिडका अध्यक्ष फ्लोरेन्टिनाे पेरेजको योजना अनुसार उत्कृष्ट क्लबहरुको छुट्टै लिग प्रतियोगिता सञ्चालन गर्ने घोषणा गरेका थिए । तर, फुटबलका जानकार र विश्वभरिका समर्थकहरुको चौतर्फि आलोचना पछि प्रिमियर लिगका ५ टिमले प्रतियोगिताबाट हात झिकेका छन् ।
युरोपियन सुपर लितका लागि प्रिमियर लिगका ६ टिम चेल्सी, टोटेनहाम, आर्सनल, म्यान्चेष्टर सिटी, म्यान्चेष्टर यूनाईटेड र लिभरपुलले सहभागिता जनाउने भएका थिए ।
तर, खेल प्रेमि र समर्थकहरुको चौतर्फि विरोधका कारण चेल्सीले यसअघि नै सहभागिता नजनाउने तयारी गरेपनि उभन्दा अगाडिनै म्यान्चेष्टर सिटीले सहभागिता नजनाउने जानाएको छ ।
सिटी पस्चात प्रिमियर लिगका सबै ६ क्लबले प्रतियोगितामा सहभागिता नजनाएने भन्दै नाम फिर्ता लिएका छन् । इंलिस क्लबका साथै इटालियन क्लब इन्टर मिलानले पनि सहभागिता नजनाउने तयारी गरेको छ ।
वि.सं.२०७८ वैशाख ८ बुधवार १६:४८ मा प्रकाशित
