हामी सबैकाे संसारन्यूज

८ बैशाख, काठमाडौं । पछिल्लो २४ घण्टामा देशैभरी गरिएको ८,८४४ पिसीआर र ८०३ ऐन्टिऐजिन परीक्षणमा २,३५१ जनामा कोरोना संक्रमण पुष्टि भएको छ । जसमा पिसीआर विधिबार २,२२० र ऐन्टिजेन १३१ जना गरी जम्मा २,३५१ जना संक्रमित थपिएका हुन् ।

त्यस्तै काठमाडौंमा ७८६, ललितपुरमा १८१ र भक्तपुरमा ८४ जना गरी उपत्यकामा आज १,०५१ जना कोरोना संक्रमित थपिएका छन् ।

आज थपिएका २३५१ जनासँगै नेपालमा हालसम्म कोरोनाबाट संक्रमित हुनेको कूल संख्या २ लाख ८९ हजार ९८१ पुगेको छ ।

त्यसैगरी आज देशैभरी २८७ जना कोरोना संक्रमणबाट मुक्त भएका छन् । आज निको भएका २८७ जनासँगै नेपालमा कोरोना संक्रमणबाट मुक्त हुनेको संख्या २ लाख ७५ हजार १०९३ रहेको छ । कोरोना संक्रमणबाट निको हुनेको दर ९५.३ प्रतिशत हो ।

त्यसैगरि पछिल्लाे २४ घण्टामा काेराेनाकाे कारण १० जनाकाे निधन भएकाे स्वास्थ्य मन्त्रालयले जनाएकाे छ । अाज थपिएका १० जनासँगै काेराेनाबाट मृत्यु हुनेकाे संख्या ३ हजार १ सय १२ पुगेकाे छ ।

त्यस्तै हाल देशैभरी सक्रिय संक्रमितको संख्या १० हजार ५८२ रहेको छ । जसमा संस्थागत आइसोलेशनमा ८३६ जना र होम आइसोलेशनमा ९,७४६ जना रहेका छन् । साथै ८६ जना क्वारेन्टिनमा रहेका छन् ।

त्यस्तै हालसम्म देशैभरीका अस्पतालका आइसोलेशनमा १८० जना उपचाररत छन् । ती मध्ये ४७ जना भेन्टिलेटरमा रहेको पनि स्वास्थ्य मन्त्रालयले जनाएको छ ।

नेपालमा हालसम्म देशैभरी पिसीआर प्रविधिबाट २३ लाख ५९ हजार ४४१ कोरोनाका नमुना परीक्षण गरिएको छ ।

मन्त्रालयका अनुसार नेपालमा एकसातामा गरिएको २३ हजार ९०० पिसीआर परीक्षणमा ५ हजार ११४ जना कोरोना संक्रमित थपिएका छन् । ती मध्ये ७९३ जना निको भएको तथ्यांक रहेको छ । नेपालमा एकसातामै १६२ प्रतिशत कोरोना संक्रमण बढेको पनि मन्त्रालयले जनाएको छ ।