हामी सबैकाे संसारन्यूज

एजेन्सी । १७ महिना टोटेनहामको प्रशिक्षक बनेका होसे माउरिन्होलाई बर्खास्त गरेपछि टोटेनहामले २९ वर्षीय रायन मासनलाई प्रशिक्षकको जिम्मेवारी दिएको छ । टोट्टनह्यामाले मासनसहित क्रिस पोवेल र निगेल गिब्सलाई अन्तरिम प्रशिक्षकमा नियुक्त गरेको छ ।

मासन टोटेनहामका पूर्व मिडफिल्डर समेत हुन । उनले टाउकोमा लागेको चोटका कारण फुटबल करियरलाई लामो समय निरन्तरता दिएनन्, सन् २०१८ मा उनले सन्यास लिएका थिए । त्यसयता उनले क्लबको एकेडेमीलाई प्रशिक्षण दिदैं आएका छन् ।

सोमबार माउरिन्होको बहिर्गमनसँगै उनले सिनियर टोलीलाई प्रशिक्षण दिन थाले । ‘म यो क्लबलाई माया गर्छुर आफ्ना २९ वर्षमध्ये २० वर्ष यहाँ बिताएको छु । यो क्लब मेरो हृदय र रगतमा छ,’ मासनले भने,‘म सधैं फ्यानहरुसँग आफुलाई जोडिएको महसुस गर्छु । मैले सधैं माया पाएको महसुस गरेको छु । यो जिम्मेवारीबाट मलाई गर्व लागिरहेको छ ।’