हामी सबैकाे संसारन्यूज

वैशाख ८, काठमाडौं । स्वास्थ्य मन्त्रालयले कोरोना संक्रमणको दरमा अत्याधिक बृद्धि भएको बताएको छ । बुधबार कोरोना संक्रमणको पछिल्लो अवस्थाबारे प्रेस बिफ्रिङ गर्दै स्वास्थ्य मन्त्रालयका प्रवक्ता डा. जागेश्वर गौतमले हरेक ४ दिनमा दोब्बरको दरले संक्रमण बृद्धि भएको बताए ।

‘संक्रमणको दर अत्यधिक बढेको छ, आजमात्रै २ हजार ३५१ जना नयाँ संक्रमितहरु थपिनु भएको छ’, प्रवक्ता गौतमले भने, ‘हरेक ४ दिनमा संक्रमण डबल भइरहेको छ ।’

स्वास्थ्य मन्त्रालयले भएका संरचनाले धान्ने नसक्ने गरि संक्रमण बृद्धि भईरहेको पनि बताएको छ । प्रेस बिफ्रिङका क्रममा प्रवक्ता गौतमले भनेका छन्, ‘संक्रमण दर अत्यधिक बढेको छ। हाम्रो संरचनाले धान्नै नसक्ने गरी बिरामीको संख्या बढ्ने संकेत प्राप्त भइरहेको छ’, उनले भने, ‘अत्यन्त जरूरी नपरी घरबाट बाहिर ननिस्कनुस्।’

मन्त्रालयले सभा, भेला, गोष्ठी, सेमिनार, मिटिङ तथा जात्रा जस्ता बढी भीडभाड हुने ठाउँमा पनि सहभागी नहुन अपिल गरेको छ।