Sansar News
स्याङ्जा । नेपाली कांग्रेश निर्वाचन क्षेत्र नं. २ क्षेत्रीय कार्यसमितिका सदस्य ध्रुव पंगेनीको नेतृत्वमा १ सय २० जना कांग्रेसका संगठित सद्स्यहरु नेकपा (एमाले)मा प्रवेश गरेका छन । नेकपा (एमाले) चापाकोट नगर कमिटिको आयोजनामा आंधिघाटमा भएको कार्यकर्ता भेटघाट कार्यक्रममा त्यसरी कंग्रेसका सयौं कार्यकर्ता पार्टी परित्याग गरि एमालेमा प्रवेश गरेका हुन ।
एमाले प्रवेश गर्नेहरुमा नेपाल कांग्रेस महाधिवेशन प्रतिनिधि सदस्य यामकुमारी खनाल र नेपाल तरुण दल नगर समिति सदस्य अमृत शाही लगाएत १ सय २० जना रहेका छन । पार्टी प्रवेश गर्नेहरुले कृषि तथा पशुपन्छी विकास मन्त्री पद्मा अर्यालको हातवाट अविर तथा माला लगाएका थिए ।
कार्यक्रममा प्रमुख अतिथिको रुपमा कृषि तथा पशुपन्छी विकास मन्त्री पद्माकुमारी अर्याल, विशिष्ट अतिथिको रुपमा नेकपा (एमाले) स्याङ्जाका अध्यक्ष सुर्यप्रसाद गैह्रे र अतिथिहरु नेकपा (एमाले)का प्रदेश सद्स्य किशोरबिक्रम मल्ल र बुद्दीमान श्रेष्ठ लगायतले भनाई राखेका थिए ।
वि.सं.२०७८ वैशाख ८ बुधवार २१:०२ मा प्रकाशित
