वैशाख ९, काठमाडौं । नेकपा (एमाले)को माधवकुमार नेपाल समूहले विराटनगरमा छुट्टै पार्टी कार्यालय स्थापना गरेको छ । देशैभरि समानान्तर कमिटी गठनलाई अगाडि बढाएको माधव समूहले बिहिबार विराटनगरमा छुट्टै पार्टी कार्यालय नै खोलेको हो ।
विराटनगरमा माधव समूहले २ तल्ले घर भाडामा लिएर कार्यालयको उद्घाटन गरेको छ । माधव समूहका प्रदेश १ का इन्चार्ज भीम आचार्यले उद्घाटन गरेका थिए ।
माधव समूहले गत चैत २८मा मोरङका पुराना नेता चन्द्रवीर राईको अध्यक्षतामा विराटनगर कमिटी गठन गरेको थियो ।
वि.सं.२०७८ वैशाख ९ बिहीवार १७:४५ मा प्रकाशित