हामी सबैकाे संसारन्यूज

१० वैशाख, काठमडौँ । २०२१ को आईपिएलमा विराट कोहलीको कप्तानीमा रहेका रोयल च्यालेन्जर्स बेङ्गलोरले लगातार चौथो जित हासिल गरेको छ । हिजो मुम्बईमा भएको खेलमा बेङ्गलोरले राजस्थान रोयल्सलाई १० विकेटले पराजित गरेको हो ।

टस हारेर पहिले ब्याटिङ् गरेको राजसथान रोयल्सले २० ओभरमा १७७ रन बनाएको थियो । राजस्थान रोयल्सका लागि सिवम दुबेले सर्वाधिक ४६ रनको पारी खेलेका थिए भने बेङ्गलोरका लागि बलिङ्गमा मोहम्मद सिराज र हर्षल पटेलले सर्वाधिक ३/३ विकेट लिएका थिए ।

राजस्थानले दिएको १७८ रनको लक्ष्य बेङ्गलोरले १६.३ अ‍ोभरमा पुरा गर्यो । बेङ्गलोरका लागि ओपनर विराट कोहली र देवदत्त पाडिक्कले १८१ रनको साझेदारी निभाएका थिए । यसक्रममा देवदत्त पाडिक्कले यस आईपिएलको दोस्रो र आफ्नो आईपिएल करियरको पहिलो सतक लगाएका थिए । उनी ५२ बलमा १०१ रन बनाएर नटआउट रहे। त्यसैगरी कप्तान विराट कोहली पनि ४७ बलमा ७२ रन बनाएर नटआउट रहेका थिए ।

लगातार ४ खेलमा जित निकाल्दैँ रोयल च्यालेन्जर्स बेङ्गलोर ८ अकं सहित अकं तालिकाको शिर्ष स्थानमा पुगेको छ भने राजस्थान आठौँ स्थानमा झरेको छ । ।