हामी सबैकाे संसारन्यूज

१२ बैशाख, काठमाडौं । भारतमा एकैदिन झण्डै ३ लाख ५० हजार बढीमा कोरोना संक्रमण पुष्टि भएको छ ।

भारतमा शनिबार ३ लाख ४८ हजार ९७९ जनामा कोरोना संक्रमण पुष्टि भएको हो । साथै सोहि अवधिमा २,७६१ जनाले ज्यान गुमाएको पनि त्यहाँको स्वास्थ्य मन्त्रालयले जनाएको छ ।
मृत्यु हुनेमा सबैभन्दा बढी महाराष्ट्र राज्यमा शनिबार ६७६ जना र दिल्लीमा ३५७ जनाको मृत्यु भएको जनाइएको छ ।

भारतमा ४ दिनदेखि लगातार ३ लाख भन्दा बढी संक्रमित भेटिएका छन् । साथै शनिबार २ लाख १५ हजार ८०३ जना संक्रमणबाट मुक्त पनि भएका छन् ।

भारतमा १ करोड ६९ लाखमा कोरोना संक्रमण भइसकेको छ । ती मध्ये १ करोड ४० लाख संक्रमण मुक्त भइसकेका छन् भने हाल सक्रिय संक्रमितको संख्या २६ लाख रहेको छ ।
भारतमा १ लाख ९२ हजारले कोरोना संक्रमणबाट ज्यान गुमाइसकेका छन् ।