हामी सबैकाे संसारन्यूज

१२ बैशाख, काठमाडौं। नागरिक उड्डयान प्राधिकरण (क्यान) ले बढ्दो कोरोना भाइरसको जोखिमलाई मध्यनजर गर्दै हालको आन्तरिक उडानमा ३० प्रतिशतसम्म घटाउने तयारी गरेको छ।

भारत लागाएतका छिमेकी देशमा बढ्दो जोखिमलाई मध्यनजर गर्दै विमानस्थलमा यात्रुको भीड कम गराउनको लागि प्राधिकरणले यस्तो तयारी थालेको हो । तयारी स्वरुप प्राधिकरणले त्रिभुवन अन्तर्राष्ट्रिय विमानस्थल कार्यालयलाई उडान संख्या घटाउनका लागि अध्ययन गर्न निर्देशन दिइसकेको छ ।

प्राधिकरणका महानिर्देशक राजन पोखरेलका अनुसार मौसम प्रतिकुल हुदा उडान समयमा भएर भिडभाड नहुने भएपनि अन्य अवस्थामा कोरोना संक्रमण नियन्त्रणलाई मध्यनजर गर्दै उडान संख्या घटाउने तयारीमा क्यान लागेको हो ।

एक तिहाइ उडान संख्या घटाउने योजनामा रेहेको प्राधिकरणले  वायुसेवा कम्पनीसँग छलफल गरि उडान घटानउ सकिने स्थानहरुको पहिचान गर्ने भएको छ । जसका लागि सरकारी पक्षबाट सहमति मिलि सकेकाे छ ।