हामी सबैकाे संसारन्यूज

वैशाख १२, काठमाडौं । नेपाली कांग्रेसले केपी शर्मा ओली नेतृत्वको सरकार परिवर्तन गर्ने प्रयासलाई जारी राख्ने निर्णय गरेको छ । आइतबार पार्टी सभापति शेरबहादुर देउवा निवास बुढानिलकण्ठमा बसेको बैठकले सरकार परिवर्तनको प्रयासलाई अगाडि बढाउने निर्णय गरेको हो ।

बैठकले सरकार परिवर्तनको दिशामा कांग्रेसले गरेको प्रयास सकारात्मक बनेको पनि निष्कर्ष निकालेको छ । कांग्रेसले माओवादी केन्द्र र जसपासँगको छलफल अझ घनिभूत बनाउने निष्कर्ष निकालेको बैठकमा सहभागी एक नेताले बताए ।

कांग्रेसले यसअघिको बैठकको निर्णयबमोजिम सरकारविरुद्व अविश्वास प्रस्ताव ल्याउन हस्ताक्षर अभियान चलाएको थियो । आजको बैठकमार्फत उक्त अभियानलाई छिट्टै पूर्णंता दिने पनि निर्णय गरेको छ ।

त्यस्तै कोभिड–१९ को जोखिमलाई मध्यनजर गर्दै कांग्रेसले केन्द्रीय समिति बैठक स्थगित गरेको छ । कांग्रेसले जनाएअनुसार सोमबार स्थगित बैठक मंगलबार बस्ने सम्भावना छ ।