हामी सबैकाे संसारन्यूज

१२ वैशाख, काठमाडौं । नेकपा एमालेका वरिष्ठ नेता माधव कुमार नेपालसहित निलम्बनमा परेका चार नेताले सर्वोच्चमा दायर गरेको रिट आज हेर्न नभ्याइनेमा परेको छ । नेपाल सहित भीम रावल, घनश्याम भुसाल र सुरेन्द्र पाण्डेले दर्ता गरेको रिट निवेदन आज हेर्न नभ्याइनेमा परेको हो ।

न्यायाधीश प्रकाशकुमार ढुंगानाको एकल इजलासमा उक्त निवेदनको पेसी तोकिएको थियो । उक्त मुद्दा सुनुवाइका लागि सर्वोच्च अदालतका न्यायाधीश प्रकाशकुमार ढुंगानाको इजलासमा पेसी तोकिए पनि समय अभावका कारण उक्त रिट ‘हेर्न नभ्याइने’मा परेको सर्वोच्च अदालतले जनाएको छ ।

आफूहरूसहित २७ जना सांसदको पद खारेजी हुने प्रक्रिया रोक्न र पुनःस्थापित एमालेको केन्द्रीय कमिटी बैठक बोलाउने अन्तरिम आदेश माग गर्दै नेपाल, भुसाल, रावल र पाण्डेले सर्वोच्च अदालतमा निवेदन दर्ता गराएका थिए ।

रिटमा निर्वाचन आयोगमा कायम रहेको एमालेका अभिलेख र विवरणमा कुनै परिवर्तन नगर्नु नगराउनु भन्ने परमादेश आयोगका नाममा जारी हुनुपर्ने माग पनि गरिएको छ ।

ओलीविरुद्व दायर रिट न्यायाधीश ढुंगानाको इजलासमा, सुनुवाईको सम्भावना भने कम