हामी सबैकाे संसारन्यूज

१२ बैशाख, काठमाडौं । नेपाल प्रहरीले एमबीबीएस अध्ययन गर्न बंगलादेश गएका र पढाई सकेर फर्किएका विद्यार्थी तथा चिकित्कको शैक्षिक योग्यताको प्रमाणपत्रमाथि अनुसन्धान थोलको छ । प्रहरीको केन्द्रीय अनुसन्धान व्युरो (सीआईबी) ले आर्थिक वर्ष २०६८÷६९ देखि २०७१÷७२ सम्ममा बंगलादेशमा एमबीबीएस पढ्न गएका विद्यार्थीमाथि छानविन अघि बढाएको हो ।

बंगलादेशबाट एमबीबीएस सकेर आएका तीन चिकित्सकसहित ५, किस्ट मेडिकल कलेजमा अध्ययनरत एक र चीनबाट अध्ययन पूरा गरी आएका एक गरी ७ जनालाई व्युरोले बैशाख ५ गते पक्राउ गरेको थियो ।

एमबीबीएसअध्ययन गर्न जानु्अघि काउन्सीलमा पेस गरिएको एसएलसीका मार्कसिटमा हेरफेर भएको पुष्टि भएपछि उनीहरु व्युरोको नियन्त्रणमा छन् । मार्कसिटमा अंक हेरफेर गरेको आरोपमा बागबजारस्थित दीपज्योती इन्टरनेशनल कन्सल्टेन्सीका सन्चालक अरुण चौधरीलाई पनि व्युरोले हिरासतमा राखेको समाचार सोमबारको कान्तिपुर दैनिकमा रहेको छ ।